← Буцах2. Зургаа зуруулах

Гадна шугамын зургаа батлуулах

Албан нэр: Гадна шугам сүлжээний ажлын зурагХийх: Гадна шугамын инженерүүд (ГД, ГЦ, ГХ, УХАТ) · Дулааны сүлжээ (УБДС), Цахилгаан түгээх сүлжээ (УБЦТС), Ус сувгийн газар (УСУГ), Холбооны компани (МХС), дараа нь Хот байгуулалт, хотын стандартын газар (ХБХСГ)Улсын шугамд холбогдох бол

Энэ юу вэ?

Таны барилгаас хотын дулаан, ус, цахилгаан, холбооны шугам хүртэлх хоолой, кабелийн зураг. Үүнийг дотор зургийн инженерүүдээс тусдаа, гадна шугамын инженерүүд гүйцэтгэнэ.

Хэрхэн явагддаг вэ?

  1. Гадна шугамын инженер бүр өөрийн чиглэлээр тооцоо, судалгаа хийнэ: гадна дулаан (ГД), гадна цахилгаан (ГЦ), гадна холбоо (ГХ), усан хангамж, ариутгах татуурга (УХАТ).
  2. Техникийн нөхцөл, архитекторын ерөнхий төлөвлөгөө (газар дээрх байрлал) дээр үндэслэн тус тусдаа зураг гаргана.
  3. Шугамын байрлал барилгын байрлалтай зөрвөл архитектортой зөвшилцөнө.
  4. Зургаа шугамын компани бүрт, дараа нь хотод батлуулна.

Та юу хийх вэ?

Гадна шугамын зураг таны зураг төслийн гэрээнд багтсан эсэхийг шалгаарай. Ихэнхдээ тусдаа ажил, тусдаа төлбөртэй байдаг. Хотын шугам хүрээгүй газарт өөрийн эх үүсвэрээр шийднэ, жишээ нь гүний худаг.

Хэр удах вэ?

Хуулиар 5–7 ажлын өдөр.

Хуулийн үндэслэл (сонирхвол)
А/32 3.1.4

Хугацаа хэтэрвэл: эхлээд хариуцсан байгууллагад биечлэн очиж тодруулна. Шийдэгдэхгүй бол албан ёсоор гомдол гаргана (БТХ 36.2). Хугацаа хэтрүүлсэн албан тушаалтан хариуцлага хүлээнэ (ЗМТХ 5.2.12).

Хуульд байхгүй бичиг шаардах эрхгүй (ЗМТХ 5.1.5).

Дараагийн алхам: Зургаа мэргэжлийн шалгалтад өгөх